Футбол бўйича Испания чемпионатининг 1-тури доирасида 13 сентябрь, якшанба куни ўтказилган «Валенсия»—«Леванте» учрашувида «кўршапалакларнинг қўли баланд келди — 3:2.
«Валенсия» ҳужумкор ярим ҳимоячиси Ли Кан Ин учрашувда иккита голли узатма муаллифига айланди. Жанубий кореялик футболчи Примеранинг битта ўйинида иккита голли узатма амалга оширган XXI асрдаги энг ёш футболчига айланди. Ўйин куни Кан Ин 19 ёш-у 207 кунлик эди.
Бундан аввалги рекорд «Валенсия» собиқ ярим ҳимоячиси Хуан Матага тегишли эди. Мата 2008 йилда 20 ёш-у 150 кунлигида ушбу натижани қайд этганди.
19 ёшли Ли Кан Ин «Валенсия» тарбияланувчиси ҳисобланади. 2019/20 йилги мавсумда кореялик футболчи Ла Лигада 17 ўйин ўтказиб, иккита гол урди, шунингдек, икки мартадан сариқ ва қизил карточка олди. Унинг «кўршапалаклар» билан амалдаги шартномаси 2022 йилнинг ёзига қадар мўлжалланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)