Тошкент вилоятида фуқарога Янгийўл тумани кадастр хизмати ходими 27 сотих ерни 13 500 АҚШ долларга сотаётган вақтида қўлга олинди, дея хабар бермоқда вилоят ИИББ.
Қайд этилишича, 2020 йил 8 сентябрь куни фуқаро М.А. вилоят ИИББ ариза билан мурожаат қилган. У аризасида уй-жой қилиш учун фуқароларга ажратилаётган ерлар бўлса, қонуний сотиб олиш, уй-жой қилиш мақсадида Тошкент вилояти ер тузиш ва кўчмас мулк кадастри Янгийўл тумани филиалига мурожаат қилганини, филиалда турар жой мутахассиси лавозимида ишловчи И.Н. ҳозирги кунда шудгор қилиниб тайёрланган ерларнинг 500 АҚШ долларидан (1 сотихни), 27 сотих тайёрланган ерни жами 13 500 АҚШ долларига сотмоқчи бўлганини маълум қилиб, ушбу шахсга нисбатан қонуний чора кўришни сўраган.
Жиноят қидирув бошқармаси тезкор ходимлари томонидан ўтказилган тадбир натижасида, Тошкент вилояти ер ресурслари ва давлат кадастри бошқармаси Тошкент вилояти ер тузиш ва кўчмас мулк кадастри давлат корхонаси Янгийўл тумани филиалида турар жой мутахассиси лавозимида ишловчи, 29 ёшли И.Н. фуқародан келишилган пулларни олаётган вақтида холислар иштирокида далилий ашёлар билан ушланган.
Мазкур ҳолат юзасидан фуқаро И.Н.га нисбатан Жиноят кодексининг 168-модда 3-қисми (хизмат мавқейидан фойдаланиб ўзганинг мулкини ёки ўзганинг мулкига бўлган ҳуқуқни қўлга киритиш) билан жиноят иши қўзғатилган. Тергов ҳаракатлари олиб борилмоқда.
Мавзуга доир:
- Андижонлик фуқарони 645 минг долларга чув туширган хитойлик қўлга олинди
- Тошкентда танишининг 44 минг долларлик бриллиант тақинчоқларини сотиб беришни ваъда қилиб, эгасига қайтармаган опа-сингил қўлга олинди
- Зангиота–Чилонзор йўналишида кира қилмоқчи бўлган Damas ҳайдовчисидан 500 доллар талаб қилган шахслар ушланди
Изоҳ (0)