Тошкент вилояти Оҳангарон шаҳрида қоп ичида гиёҳванд моддасини қонунга хилоф равишда олиб кетаётган шахслар қўлга олинди, дея хабар бермоқда Тергов департаменти.
Маълум қилинишича, 2020 йилнинг 28 август кунидан 29 август кунига ўтар кечаси Оҳангарон шаҳар ҳудудида олиб борилаётган «Қорадори-2020» тадбири давомида ИИО ва Миллий гвардия ходимлари томонидан «ВАЗ -21013» русумли автомашина шубҳали кўринганлиги сабабли тўхтатилган.
Автомашинанинг юкхонаси ҳайдовчи 20 ёшли Ж.А. иштирокида текшириб кўрилганда, 1 дона оқ рангли полимер қоп ичида ҳўл ҳолдаги, ўткир ҳидли, кўкимтир рангли ўсимлик барглари борлиги аниқланган.
Ўсимликлар кимга тегишли эканлиги суриштирилганда, ушбу қоп автомашина ичида бўлган вояга етмаган 17 ёшли К.М.га тегишли эканлиги аниқланган ҳамда ашёвий далил тариқасида расмийлаштириб олинган.
Судга оид кимёвий экспертиза хулосасига кўра, олинган ўсимликлар таркибида фаол тетрагидроканнабинол гиёҳвандлик моддаси мавжуд бўлган марихуана гиёҳвандлик воситаси эканлиги, унинг оғирлиги эса 1 килограмм 387 граммни ташкил қилганлиги кўрсатилган.
Мазкур ҳолат юзасидан Оҳангарон шаҳар ИИБ ҳузуридаги Тергов бўлинмаси томонидан Жиноят кодексининг 276-моддаси 2-қисми «а» банди (гиёҳвандлик воситаларини ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар) билан жиноят иши қўзғатилган.
Ҳозирда тергов ҳаракатлари олиб борилмоқда.
Мавзуга доир:
- Бухорода 80 ёшли аёл томорқасида 5 туп кўкнори етиштиргани учун суд қилинди
- Ўзбекистонда гиёҳванд моддалар истеъмол қилувчи сифатида рўйхатга олинган ёшлар сони маълум қилинди
- Навоийда гиёҳванд моддани Қуръон китоби ичига солиб сотмоқчи бўлган мулла Ўзбекистон мусулмонлари идораси тизимида ишламаслиги маълум қилинди
Изоҳ (0)