Эрон ислом инқилоби муҳофизлари корпуси (ИИМК) Баҳрайнни Исроил билан муносабатларни нормаллаштираётгани сабабли ундан қасос олиниши ҳақида огоҳлантирди, дея хабар бермоқда «РИА Новости»
«Баҳрайннинг золим ҳукмдорлари Қуддусни озод қилиш учун курашаётганлардан, ушбу мамлакат мусулмонлари ва иймонли халқидан қаттиқ қасос кутишсин», – дейилади ИИМК баёнотида.
ИИМК таъкидлашича, Баҳрайн ҳукумати «хиёнат» ва «аҳмоқона хатони» амалга оширган ва уларга муносиб жавоб берилади.
Баҳрайн ва Исроил 11 сентябрь куни дипломатик алоқалар ўрнатилишини эълон қилди. Баҳрайн сўнгги бир ой ичида Бирлашган Араб Амирликларидан кейин АҚШ орқали Исроил билан келишувга эришган иккинчи давлат бўлди. Тинчлик шартномаларини имзолаш маросими 15 сентябрь куни Вашингтонда бўлиб ўтиши кутилмоқда.
Изоҳ (0)