Бразилия президенти Жаис Болсонару мамлакат коронавирусни деярли енгганини маълум қилди. Бу ҳақда 11 сентябрь куни О Globo газетаси хабар берди.
Унинг фикрича, Бразилия амалда пандемиядан халос бўлди. Президент унинг салбий оқибатларини камайтириш учун барча чораларни ишга солган ҳукумат ишини ҳам қайд этиб ўтган.
Болсонару федерал марказ муваффақиятлари ҳақида лом-мим демаган маҳаллий ОАВларни танқид қилган.
Айни пайтда Бразилия коронавирусга чалинганлар сони бўйича дунёда АҚШ ва Ҳиндистондан кейин учинчи ўринда. Мамлакатда ушбу вирус билан 4,2 миллион киши касалланган, уларнинг 3,6 миллион нафари соғайган, 129,5 минг киши COVID-19 қурбонига айланган.
Изоҳ (0)