Россия Транспорт вазирлиги транспорт стратегиясининг янгиланган лойиҳасини тайёрлади. Унга кўра мамлакат шаҳарларида 2035 йилга бориб жамоат транспортларидан фойдаланиш бепул бўлади, деб ёзади «РБК».
Лойиҳага кўра, жамоат транспорти ҳайдовчилар учун «фойдаланувчи тўлайди» номли механизмнинг жорий этилиши шароитида бепул бўлиши мумкин — 2025 йилдан бошлаб улардан минтақавий аҳамиятга эга йўллардан, 2035 йилдан эса «барча турдаги йўллардан», жумладан, шаҳарлардаги йўл тармоқларидан ҳам фойдалангани учун тўлов ундирилади. Стратегияда барча турдаги йўлларда шахсий автомобилдан фойдаланиш ҳам пулли бўлиш ёки бўлмаслигига аниқлик киритилмаган.
Механизм йирик шаҳарлардаги жамоат транспорти фойдаланувчиларини рағбатлантириш имконини беради. Шунингдек, стратегияда мамлакат аҳоли пунктларида яшовчи фуқаролар моторлаштирилмаган транспорт воситаларида (велосипед, самокатлар) кўпроқ ҳаракатланиши, оммавий бинолар қурилаётган туманларда эса метро ва енгил релсли транспорт воситаларидан фойдалинишини тахмин қилмоқда.
Транспорт стратегиясининг олдинги версияси 2013 йилда тасдиқланган. Ҳисоботда таъкидланишича, ҳозирча Россия аҳолиси орасида жамоат транспорти шахсий транспорт воситасидан кўра камроқ фойдаланилаётгани ёзилган.
Эслатиб ўтамиз, 2017 йилда Россияда автомобиль ҳайдовчиларини профессионаллар ва ҳаваскорларга бўлишни режалаштираётгани тўғрисида хабар берилганди.
Изоҳ (0)