Футбол бўйича Англия чемпионатининг 1-турида «Ливерпуль» 12 сентябрь, шанба куни «Лидс»ни қабул қилди.
Учрашув дебютида майдон эгалари пенальти ишлаб олди, уни Муҳаммад Салоҳ голга айлантирди. 12-дақиқада Жек Ҳаррисон ҳисобни тенглаштирди.
20-дақиқада Виржил ван Дейк бурчакдан узатилган тўпни боши билан дарвозага жойлаб қўйди. Бунга меҳмонлар 30-дақиқада Патрик Бемфорднинг голи билан жавоб қайтарди. Бироқ орадан уч дақиқа ўтиб, Салоҳ дублини расмийлаштирган ҳолда «қизиллар»нинг учинчи голини урди.
66-дақиқада Матеуш Клих яна учрашувдаги ҳисобни тенглаштирди. Ўйин якунланиши арафасида мерсисайдликлар яна пенальти тепиш имкониятига эга бўлди. 11 метрлик жарима зарбасидан Салоҳ унумли фойдаланди.
Шу тариқа АПЛ амалдаги чемпиони 2020/21 йилги мавсумнинг илк ўйинида Чемпионшип ғолибини таслим этди.
АПЛ
1-тур баҳслари
12 сентябрь, шанба
«Ливерпуль» — «Лидс» 4:3
Голлар: 1:0 – 4, пенальти Салоҳ, 1:1 – 12 Ҳаррисон, 2:1 – 20 ван Дейк, 2:2 – 30 Бемфорд, 3:2 – 33 Салоҳ, 3:3 – 66 Клих, 4:3 – 88, пенальти Салоҳ.«Ливерпуль»: Алиссон, Александер-Арнольд (Матип, 89), Гомес, ван Дейк, Робертсон, Кейта (Фабиньо, 58), Вейналдум, Салоҳ, Ҳендерсон (Жонс, 66), Мане, Фирмино.
«Лидс»: Меле, Кох, Эйлинг, Даллас, Стрейк, Филлипс, Эрнандес (Роберц, 62), Клих (Шеклтон, 81), Ҳаррисон, Элдер Кошта, Бемфорд (Родриго, 62).
Огоҳлантириш: Фирмино (76).
«Кристал Пэлас» — «Саутҳэмптон» 1:0
Гол: 1:0 – 13 Заҳа.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)