Ўзбекистондан хорижга чиқувчилар ҳисобида қарздорлик бор ёки йўқлигини текшириш учун янги тизим яратилди. Бу ҳақда Ташқи меҳнат миграцияси агентлиги хабар қилди.
Қайд этилишича, пандемия даврида чет элга чиқишда санитар-гигиеник талаблар билан бирга ҳеч қандай қарздорлик мажбурияти бўлмаслиги лозим.
Қарздорлик ўз вақтида бартараф этилмаслиги фуқароларнинг чет элга чиқишига тақиқ қуйилишига сабаб бўлади.
«Қарздорликни ёки тақиқни аниқлаш мақсадида ишлаб чиқилган @mibuzbot Telegram боти орқали бир зумда ўзингизга нисбатан тақиқ бор ёки йўқлигини билиб олишингиз мумкин.
Мазкур ботда республика ҳудудидан четга чиқиш ҳуқуқи чекланган ёки чекланмаганлиги ҳақидаги маълумотлар билан танишиш, қарздорлик аниқланган тақдирда, уни шу заҳоти mib.uz сайтида электрон тарзда Payme, Click, Upay ва бошқа тўлов тизимлари орқали тўлаш имконияти яратилган», – дейилади агентлик хабарида.
Изоҳ (0)