Шоҳрух Исақулов Сирдарё вилояти ҳокимининг туризм ва спортни ривожлантириш масалалари бўйича маслаҳатчиси этиб тайинланди. Бу ҳақда ҳокимлик ахборот хизмати хабар берди.
Тайинловга қадар Шоҳрух Исақулов Сирдарё вилояти Инвестициялар ва ташқи савдо бошқармаси бошлиғи ўринбосари лавозимида фаолият кўрсатган.
Шоҳрух Исақулов 1991 йилда Гулистон шаҳрида туғилган. 2011 йил АҚШнинг Канзас штатидаги Newman университетини, 2014 йил Friends университетини тамомлаган.
Меҳнат фаолияти давомида Америкада жойлашган турли нуфузли компанияларда масъул лавозимларда ишлаган. Хусусан, Иллинойсдаги «Прайс Вотерхаус Куперс солиқ, аудит ва консалтинг компанияси» аудит ва консалтинг бўлими бош аудитори ва консультант-маслаҳатчиси, «КПМЖ солиқ, аудит ва консалтинг компанияси» аудит ва консультантлик бўлимининг бош аудитори ва консултант-маслаҳатчиси лавозимларида фаолият кўрсатган.
Аввалроқ Ширин шаҳри собиқ ҳокими Сирдарё вилояти ҳокимига ўринбосар этиб тасдиқлангани, Ширин шаҳрига эса 31 ёшли янги ҳоким тайинланди тўғрисида хабар берилганди.
Изоҳ (0)