Тошкент шаҳар Миробод туманидаги Бухоро кўчасининг 650 метри таъмирланди. Бу ҳақда шаҳар ҳокимлиги матбуот хизмати хабар қилди.
Қайд этилишича, 3 кун давомида Бухоро кўчасининг 650 метри қайта асфальт қилинган. Кўчанинг 8 775 квадрат метр майдони замон талаблари даражасида таъмирланган.
Асфальт қопламаси мустаҳкам бўлиши, ҳайдовчи ва йўловчиларга узоқ вақт хизмат қилиши учун зарур чора тадбирлар кўрилгани таъкидланган.
Таъмирлаш жараёни 10 дан ортиқ ишчи-мутахассислар иштирокида, янги техника-технология воситасида бажарилган.
«Бухоро кўчасининг бугунги кўриниши ва қулайлиги шаҳримиз аҳолиси ҳамда меҳмонларини хурсанд қилиши аниқ», – дейилади ҳокимлик хабарида.
Изоҳ (0)