Япония ҳукумати бу ҳафта янги кучли тайфун яқинлашаётгани сабабли бедарак кетган денгизчилар ва юк ташувчи кемани қидиришни вақтинча тўхтатди, дея хабар бермоқда «Интерфакс» маҳаллий ОАВга таяниб.
Япониянинг NHK телеканали хабар беришича, 5 сентябрь куни кечқурун Ҳайшен деб номланган янги тайфун урилиши кутилмоқда. Яқинлашаётган янги тайфун аввалги Майсак тайфунига қараганда кучлироқ бўлади. Метеорологлар янги тайфун ўзи билан сунами ҳам олиб келишини тахмин қилди.
Окинава префектураси расмийлари оролларда яшовчи 1,3 мингга яқин аҳолини эвакуация қилишни буюрди. Шунингдек, аҳоли тайфун оқибатида келиб чиқадиган тошқин ва мисли кўрилмаган кучли ёғингарчиликдан огоҳлантирилган.
Япониянинг Toyota компанияси 8 сентябргача Кюсю шаҳридаги учта фабрикаси фаолиятини тўхтатиб қўйди. Canon ва Mitsubishi Electric компаниялари ҳам баъзи жойлардаги заводларини вақтинча ёпишган. Мамлакатда 100 га яқин ички рейслар бекор қилинган.
Майсак тайфуни оқибатида бир кема йўқолган. Кеманинг экипажи 39 нафар филиппинлик, иккита янги зеландиялик ва икки австралияликдан иборат эди. Омон қолганлардан бири 2 сентябрь куни кечқурун топилган. Кема Янги Зеландиядан Хитойга 6 мингга яқин сигирни олиб кетаётган бўлган.
Изоҳ (0)