Самарқанд вилоятининг Пастдарғом туманида 31 ёшли ИИБ профилактика инспектори Damas уриб кетиши оқибатида вафот этди. Бу ҳақда ИИВ матбуот хизмати хабар берди.
Қайд этилишича, 1 сентябрь куни соат 23:00 ларда Пастдарғом тумани ИИБ профилактика инспектори Равшан Боқиев туман ҳудудидан ўтган 4Р-46 автомобиль йўлида хизмат ўтаётган вақтида ҳайдовчиси спиртли ичимлик таъсирида бўлган Damas автомашинаси инспектор ва 2 нафар фуқарони уриб юборган.
Кўрсатилган тиббий ёрдамга қарамасдан Равшан Боқиев вафот этган.
«ИИВ раҳбарияти ва шахсий таркиби ўз хизмат вазифасини бажараётган ходимнинг бевақт ўлими муносабати билан яқинларига чуқур таъзия изҳор этади», — дейилади вазирлик хабарида.
Аввалроқ Тошкентда 19 ёшли йигит Lacetti’да ЙПХ инспекторини уриб юборгани, инспектор шифохонанинг реанимация бўлимида вафот этгани хабар берилган эди.
Мавзуга доир:
- Тошкентда Nexia постни бузиб ўтиб, ЙПХ ходимини уриб юборди. ЙТҲда учта машина зарар кўрган (видео)
- Тошкентда ишдан бўшатилганига 4 кун бўлган маст ИИББ ходими машинада 2 ёшли болани уриб кетди
- Қорақалпоғистонда туман ИИБ бошлиғи хизмат машинасида пиёдани уриб юбориши оқибатида 23 ёшли йигит ҳалок бўлди
Изоҳ (0)