Ўзбекистонда никоҳланувчиларга қўшфамилияликка рухсат этилиши тўғрисида хабар берилганди. Давлат хизматлари агентлиги қўшфамилияга эга бўлган фуқароларнинг фарзандига қай тарзда фамилия берилиши ҳақида маълумот берди.
«Оила кодексининг 69-моддасига асосан, боланинг фамилияси ота-онанинг фамилиясига қараб белгиланади. Ота-она турли фамилияларда бўлганда ота-онанинг келишувига биноан болага отасининг ёки онасининг фамилияси берилади. Ота-онанинг хоҳишига кўра, болага ота ёки она томонидан миллий анъаналарга кўра бобосининг исми бўйича фамилия берилиши ҳам мумкин», — дея тушунтиради ДХА.
Эслатиб ўтамиз, ҳукумат томонидан тасдиқланган ФҲДЁ соҳасига оид қарор билан никоҳланувчиларга қўшфамилияликка рухсат берилди. Масалан, куёв Аҳмедов келин Шуҳратова бўлса, шунда куёв Аҳмедов-Шуҳратов, келин эса Аҳмедова-Шуҳратова бўлиши мумкин.
Аввалроқ Ўзбекистондаги барча ФҲДЁларда 1 сентябридан бошлаб туғилиш билан боғлиқ комплекс давлат хизматларини кўрсатиш тартиби жорий этилиши тўғрисида хабар берилганди.
Изоҳ (0)