Тошкент вилояти Бекобод туманидаги «АПК Бекобод» унитар корхонаси кластерига АҚШдан 8 дона пахта териш комбайни олиб келинди. Бу ҳақда вилояти ҳокимлиги ахборот хизмати хабар берди.
Маълум қилинишича, бу турдаги комбайнлардан яна 16 дона келтириш кўзда тутилган.
Таъкидланишича, АҚШдан олиб келинган John Deere русумли пахта териш комбайнини қабул қилишда туман ҳокими Фурқат Худойбердиев, туман прокурори ва ИИБ бошлиғи иштирок этган.
John Deere русумли пахта териш комбайни (4 қаторли) бўлиб, бир кунда 150 тоннагача пахта ҳосилини териб олиш имкониятига эга.
Ҳокимлик матбуот хизмати маълумотларига кўра, ушбу русумдаги пахта териш комбайнининг ҳар бир донаси 750 минг доллардан харид қилинган.
Аввалроқ 2020 йилги пахта йиғим-терими мавсумида бир килограмм пахта учун қанча тўланиши маълум қилинган эди.
Изоҳ (0)