Фарғона вилоятида яшовчи тадбиркор ўз маблағидан 3 миллиард 200 миллион сўм сарфлаб, Учкўприк туманидаги «Катта Қашқар» маҳалла аҳолиси учун оилавий поликлиника ҳамда маҳалла идораси учун замонавий бино қуриб берди. Бу ҳақда «Дарё» мухбири хабар берди.
Қайд этилишича, намунавий лойиҳа асосида қисқа фурсатда қурилиб, фойдаланишга топширилган маҳалла фуқаролар йиғинининг янги биносида ходимлар ва маҳалла аҳолиси учун барча зарур шароит яратилган.
«32 хонадан иборат икки қаватли замонавий бинода қишлоқ оилавий поликлиникаси, профилактика инспектори хонаси ва кутубхона ҳам жойлаштирилган. Барча хоналар замонавий жиҳозлар билан таъминланган. Шу билан бирга Президентнинг 5 та муҳим ташаббуси ижроси доирасида кутубхонада ёшларга компьютер саводхонлигини ўргатиш учун компьютерлар ҳам ўрнатилган ва интернетга уланган», — дейди «Катта Қашқар» МФЙ раиси Иброҳимжон Холматов.
Таъкидланишича, бино қурилишига сарфланган маблағдан ташқари зарур бўлган жиҳозлар учун яна 100 миллион сўм сарфланган.
Изоҳ (0)