Ижтимоий тармоқларда Гулистондаги умумий ўрта таълим мактабида хитой тилидан дарс бериш ташаббуси билан чиқиб, вилоятда турли хил тўсиқларга учраган Муроджон Кенжабоев ҳамда унинг турмуш ўртоғи Ли Тинг ҳақидаги воқеалар тарқалди. Халқ таълими вазирлиги бу масала ўрганиб чиқилганини маълум қилди.
Қайд этилишича, Республика таълим маркази мутахассислари иштирокида хитойлик келинга мактабда хитой тилидан дарс ўтиш ҳуқуқини берувчи ўқув режа ва дастурлари ишлаб чиқилиб имзоланди.
«Ташаббускор фуқаро — ривожланишнинг муҳим омили. Янги ғоя ва таклифларнинг қабул қилиниши илғор ва зарурий ғояларнинг туғилишига замин яратади. Яқин йилларда Гулистон хитой тилини ўқитиш бўйича ўзининг мактабига эга бўлишига ишонамиз», — дейилади хабарда.
Хитойдан Сирдарёга келин бўлган Ли Тинг Сардобада юз берган ҳодиса жабрдийдалари учун хайрия акцияси ҳам ташкил қилганди. Ўзбекистонлик ва хитойлик талабалар ўртасида ташкил этилган «Меҳр-мурувват» акциясининг биринчи ёрдами 20 минг дона тиббий ниқоби бўлди.
Изоҳ (0)