«Барселона» президенти Хосеп Мария Бартомеу Каталония полицияси томонидан коррупцияда айбланмоқда, дея хабар қилмоқда El Mundo.
Айблов «Барсагейт» номи билан машҳур бўлган воқеага тааллуқли. Полиция Бартомеуни клуб номидан битим имзолаб, шахсий молиявий манфаатларини кўзлаганликда гумон қилинмоқда. Таъкидланишича, Бартомеу I3 Ventures компаниясига одатдагидан олти баробар кўп пул тўлаган. Каталон ҳукумати нима сабабдан компания хизматига бозор нархидан олти баробар кўп пул тўланганини тафтиш қилади.
Аввалроқ «Барселона» I3 Ventures маркетинг компанияси билан шартнома имзолагани, унга кўра, ушбу компания ижтимоий тармоқларда Бартомеунинг ҳимояси билан шуғулланиши, шунингдек, Лионель Месси, Херард Пике ва бошқа футболчиларга нисбатан негатив кайфиятни юзага келтириши керак бўлган.
Ушбу компаниянинг раҳбари Бартомеунинг ўнг қўли Хауме Самферрер ҳисобланади. Мазкур воқеа «Барселона» ички муҳитига салбий таъсир қилган илк омиллардан бири сифатида эътироф этилади. Бироқ «Барселона» президенти ҳар доим бу айбловларни рад этиб келади.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)