Айни вақтда 48 ёшда бўлган британиялик аёл бундан уч йил аввал юрак хуружини бошдан кечирган. Даволаниш учун иш ва вазифаларини четга суриб, саломатлигига вақт ажрата олмаган Эстер соғлом турмуш тарзини бошлаш имконияти учун тақдирдан миннатдор, деб ёзади Daily Мirror.
Таъкидланишига қараганда 90 йилларнинг бошида телевидениеда фаолиятини бошлаган Эстер Стенхоун ишидан ортиб саломатлигига вақт ажрата олмаган. Икки фарзандли бўлганидан кейин спорт залга боришни режалаштирган, аммо иш графиги бунга йўл қўймаган, оқибатда касалликни оёқда ўтказган.
2011 йилда ўз бизнесини очишга қарор қилган Стенхоуннинг масъулияти янада ортиб борган, севимли иши билан шуғулланишига қарамай, иши ва фаолияти оғирлик қилаётганига амин бўла бошлаган.
2017 йил Амстердамга иш сафари олдидан аёл аэропортнинг кутиш залида нафас олишга қийналаётгани ва кўксида қандайдир оғирлик борлигини ҳис қилган. Уйга қайтганидан кейин бу каби хуружлар такрорланаверганидан кейин шифокорга мурожаат қилган.
Кардиолог томонидан юрак хуружини бошдан ўтказгани ҳақида хабар топган Стенхоун шифохонада даволанишга розилик берган. Шундан кейин аёл кўп йиллардан бери биринчи марта дам олган ва соғлом ҳаёт бошлаши кераклигини тушуниб етган.
Айни вақтда Эстер чекишни ташлаган, кунлик режим тузган ва спорт билан шуғулланади. У лойиҳаларнинг бир қисмидан воз кечган ва вақтини тўғри тақсимлаб керакли вақтда дам олади. Шу сабаб ҳам у ҳаётга бўлган қарашларини ўзгаришига сабаб бўлган касаллигидан миннатдор, дейилади хабарда.
Изоҳ (0)