Эквадорлик Хулио Мора ва Вальдрамина Квинтерос дунёдаги энг кекса эр-хотин деб топилди. Августда турмуш қурганига 79 йил бўлган жуфтлик Гиннеснинг рекордлар китобига киритилди, деб ёзади «Korrespondent.net».
Таъкидланишича, Хулио ва Вальдрамина тарихда энг узоқ вақт бирга умр кечирган жуфтлик эмаслигига қарамай, уларнинг умумий — 214 ёши сабаб китобга киритилган. Мора — 110, Квинтерос эса 104 ёшда.
Жуфтлик 1941 йилда ота-онасининг қаршилиги сабаб яширинча турмуш қурган. У вақтда куёв 31, келин эса 26 ёшда бўлган. Бутун умри давомида ўқитувчи сифатида фаолият олиб борган эр-хотиннинг 5 нафар фарзанди, 11 набираси, 21 эвара ва 1 чевараси бор, дейилади хабарда.
Изоҳ (0)