Ўзбекистонда карантин талабларини қисқартириш мақсадида Республика махсус комиссиясининг навбатдаги қарори билан 2020 йил 5 сентябрдан бошлаб йўналишли таксида («маршрутка») йўловчи ташиш фаолиятига рухсат берилади.
Махсус комиссия қарорига кўра Damas енгил автомобилида йўловчи ташишга йўл қўйилмайди. Бунда ушбу транспорт воситаларида қуйидаги санитария талабларига риоя этиш талаб қилинади:
- йўналишли такси фаолияти давомида карантин қоидаларига риоя этган ҳолда ҳар қатновга чиқишдан олдин ҳайдовчиларнинг тана ҳарорати пирометрларда ўлчаниб, 37 даража ва ундан юқори бўлган ҳолатда уларнинг транспорт воситасини бошқаришига йўл қўймаслик, уларнинг тиббий ниқоб ва қўлқопда бўлишини таъминлаш;
- йўналишли таксида йўловчиларнинг тиббий ниқобда бўлиши лозимлиги, тиббий ниқоб бўлмаган ҳолатда уларнинг транспорт воситасига чиқишига йўл қўймаслик;
- транспорт воситаси доимий равишда ҳар қатновга чиқишдан олдин, шу жумладан, ҳар бир ўриндиқни тўлиқ дезинфекциядан ўтказилишини таъминлаш.
Изоҳ (0)