Тошкент шаҳри Шайхонтоҳур туманида маст ҳолатда автомашина бошқариб кетаётган шахс шаҳар Кўприк таъмирлаш бошқармаси ишчисини уриб кетди, дея хабар бермоқда ИИВ ЙҲХББ ахборот хизмати.
Маълум қилинишича, 2020 йилнинг 30 август куни соат 00:30 ларда, Тошкент шаҳар, Шайхонтоҳур тумани, Фурқат кўчасида жойлашган «Ялпиз» кафеси қаршисида ҳайдовчи 1989 йилда туғилган Д.Т. Nexia-3 русумли автомобиль ёритиш чироқларини ўчириб, тезлигини меъёридан ошириб, маст ҳолда бошқариб кетаётган бўлган.
Ҳайдовчи кўприкка тушиш жойида таъмирлаш ишлари олиб борилаётганлиги сабабли тўсиқ билан тўсилган темир панжарани уриб ўтиб, ҳаракати давомида Кўприк таъмирлаш бошқармаси ишчисини уриб юбориб, ЙТҲ содир этган.
Натижада пиёда 1994 йилда туғилган А.Н. олган оғир тан жароҳатлари билан воқеа жойида вафот этган.
Мазкур ЙТҲ юзасидан Шайхонтоҳур тумани ИИО ФМБ ҳузуридаги Тергов бўлими томонидан дастлабки тергов ҳаракатлари олиб борилмоқда.
Изоҳ (0)