Бугун,

  • USD 11095.31
  • RUB 173.84
  • EUR 10772.44

Россия Беларусда ўтказилган президентлик сайловлари легитимлигини (қонунийлигини) тан олади. Бу ҳақда мамлакат президенти Владимир Путин журналист Сергей Брилевга берган интервьюсида маълум қилди, деб хабар беради «РИА Новости».

Фото: «РИА Новости»

Фото: «РИА Новости»

Путиннинг таъкидлашича, Беларусь ҳукумати ЙХҲТ вакилларини сайловларда назоратчи сифатида қатнашишга таклиф этган, бироқ улар келмаган. Унинг сўзларига кўра, ушбу сайловлар натижаси бўйича позиция олдиндан тайёрлаб қўйилган деган фикрни юзага келтиради.

«Шу сабабли биз сайловлар ўтказилганига асосланамиз. Биз — мен дарҳол буни амалга оширдик, биз легитимликни тан олдик. Ва биласизки, мен Александр Лукашенкони ушбу сайловлардаги ғалаба билан табрикладим. Тамом», — дейди Россия президенти.

Аввалроқ Европа парламенти Лукашенкога персона нон грата мақомини берди ва Москвадан Беларусь ишларига аралашмасликни сўрагани тўғрисида хабар берилганди.

Эслатиб ўтамиз, Беларусда 9 август куни президент сайлови бўлиб ўтди. Сайлов куни Минск марказида ҳарбий техника пайдо бўлди. Беларусь милицияси сайлов участкалари олдида тўпланган одамларни қўлга олди. Сайлов куни оқшомида мамлакатнинг барча етакчи оммавий ахборот воситаларининг сайтлари очилмай қолди. Пойтахт Минскда президент сайловидан кейин норозилик намойиши бошланди. Шундан буён мамлакатда норозилик намойишлари ва намойишчиларни қўллаб-қувватлаш учун чиқишлар давом этмоқда.

Беларусь Марказий сайлов комиссиясининг дастлабки ҳисоб-китобларига кўра, президентлик сайловларида республиканинг амалдаги раҳбари Александр Лукашенко 80,08 фоиз овоз тўплаган. Мухолифат номзоди Светлана Тихановская эса расмий маълумотларга кўра, 10,09 фоиз овоз олган.

Натижалар эълон қилингач, Светлана Тихановская ўтказилган сайловларда ўзини ғолиб дея ҳисоблашини маълум қилди ва Лукашенкога музокаралар ўтказиш таклифини берди. Шунингдек, у сайловларнинг натижаси юзасидан Марказий сайлов комиссиясига норозилик билдирди.

Изоҳ
Асосий янгиликлар
Маҳаллий
Ўзбекистонда ҳаж зиёратига бориш учун тўлов миқдори эълон қилинди
Маҳаллий
Ўзбекистон ва Жаҳон банки шериклик дастури 4 млрд долларлик лойиҳаларни ўз ичига олиши маълум бўлди
Дунё
Набирасининг жасади олдида ўтирган бобо, ўққа тутилаётган россиялик ҳарбийлар, бўлажак тўйини нишонлаётган шаҳзода —1 июнь суратлари