«Вулверҳэмптон» ҳимоячиси Мэтт Доэрти фаолиятини «Тоттенҳэм»да давом эттиради.
«Шпорлар» матбуот хизматининг хабар беришича, 28 ёшли ирландиялик футболчи билан 2024 йилгача амал қиладиган шартнома имзоланган. Доэрти янги клуби сафида 2-рақам остида ҳаракат қилади.
Аввалроқ «Тоттенҳэм» ярим ҳимоячи учун 12 миллион фунт тўлаши, шу билан бирга яна 5 миллион фунт бонус сифатида берилиши ҳақида хабарлар тарқалганди.
Маълумот учун, Доэрти «Вулверҳэмптон»да 2011 йилдан бери ўйнаб келаётганди. У клуб сафида 300 дан ортиқ ўйин ўтказган.
Қайд этиш жоиз, «шпорлар» аввалроқ «Саутҳэмптон» клубидан ярим ҳимоячи Пьер-Эмиль Ҳёйбергни сотиб олганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)