«Реал» ярим ҳимоячи Оскар Родригеснинг «Севилья»га ўтганини эълон қилди.
«Реал» Оскарга клубимиз таркибида ўтказган мавсумлардаги фидойилиги ва профессионаллиги учун миннатдорчилик билдиради ва унга кейинги фаолиятида омад тилайди.«Севилья» футболчи трансфер ҳуқуқининг 75 фоизи учун 16 миллион евро тўлаган, қолган 25 фоизини «қаймоқранглилар» ўзида сақлаб қолган. Родригеснинг Мадрид клуби билан шартномаси 2023 йилгача мўлжалланган эди.«Реал Мадрид» баёноти
Қайд этиш жоиз, ярим ҳимоячи сўнгги икки мавсумни «Леганес»да ижарада ўтказди ва клубни Сегундага тушиб кетишидан қутқариб қола олмади. Родригес Ла Лига 2019/20 йилги мавсумида 30 та ўйин ўтказиб, 9 та гол урди ва 3 та голли узатмани амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)