Россиялик оғир вазнли яккакурашчи Фёдор Емеляненконинг мураббийи Владимир Воронов коронавирус асоратлари туфайли вафот этди. Бу ҳақда «Sports.ru» нашри хабар бермоқда.
Қайд этилишича, Вороновда илгари юрак ва қон босими борасида муаммолар бўлган. Шу билан бирга унда қондаги қанд миқдори ошиб кетган.
Владимир Воронов 55 ёшида Абакан шаҳрида вафот этди. Таъкидланишича, у вафот этгунига қадар бир ҳафта давомида нафас олиш аппаратига уланган ҳолда, реанимация ётган.
Эслатиб ўтамиз, июль ойида UFC жангчиси Ҳабиб Нурмагомедовнинг отаси ва мураббийи Абдулманап Нурмагомедов ҳам коронавирус асоратлари туфайли ҳаётдан кўз юмганди.
Маълумот учун, Фёдор Емеляненко ҳозирга қадар MMA’да 46 та жанг ўтказиб, уларнинг 39 тасида ғалаба қозонган ва олти бор мағлубиятга учраган. Яна битта жанги бекор қилинган.
Изоҳ (0)