Москванинг «Спартак» клуби бош мураббийи Domeнико Тедеско Россия Премьер Лигаси 6-тури доирасида «Арсенал»га қарши кечган баҳсда (2:1) дебют қилган Остон Ўрунов ҳақидаги фикрлари билан ўртоқлашди.
«Остон бундай стадионда биринчи марта ўйнаётгани учун илк дақиқаларда ҳаяжонланди. Бошида бир қанча вазиятда тўпни йўқотди, кейин ўз ўйинини яхшилаб олди.
У ёш ўйинчи, бу ернинг футболи ва тактикасига мослашиши керак. Унга вақт берамиз. Ўрунивга ҳеч ким босим ўтказмайди. Ишлаймиз. Умид қиламизки, ҳаммаси яхши бўлади», — дейди Тедеско.
Маълумот учун, 57-дақиқада Гус Тилл москваликлар ярим ҳимоячиси Зелимхан Бакаевнинг ўрнига майдонга тушди. Бироқ нидерландиялик футболчи орадан етти дақиқа ўтиб жароҳат олди ва унинг ўрнини ўзбекистонлик футболчи эгаллади. Бу Остон учун «Спартак» сафида РПЛдаги дебют ўйин бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)