«Насаф» бош мураббийи Рўзиқул Бердиев Coca-Cola Суперлига 13-туридан ўрин олган «Локомотив»га қарши ўйиндаги ғалабадан сўнг (4:0) ўз фикрларини билдириб ўтди.
Ҳимояда бехато ўйнашга ҳаракат қилдик. Ҳужумдаги вазиятларнинг жуда камидан фойдаландик. «Локомотив» жамоаси ҳимояда кўп хатолар қилди. Шунинг учун вазиятлардан максимал даражада фойдаланишга ҳаракат қилдик. Футболчиларга ҳам катта раҳмат айтаман, кўрсатмаларимни бажаришди. Диққат ва эътиборни йўқотмасдан ҳаракат қилди.«Насаф» ушбу ғалабадан кейин очколарини 23 тага етказиб олган ҳолда 3-ўринга кўтарилди. Жамоа кейинги турда «Қизилқум» билан ўйнайди.Яна бир ҳужумчи олсак яхши бўларди, буни раҳбарият билан гаплашамиз. Қанот позициясида муаммоларимиз бор. Ўзбек бозорида ҳужумчилар камайиб бормоқда, лекин тажрибали ҳужумчи бўлса кўриб чиқамиз.
«Локомотив»нинг ҳозирги таркиби ҳам тажрибали. Йигитларга аввалги натижаларни эсдан чиқариб тўп тепишларини таъкидлагандим. Клублар ва футболчилар ҳар уч кунда ўйнашга тайёр эмас. Охирги икки турда темп жуда пас бўлди. Бунга ўрганишимиз керак. Футболчиларимиз турли терма жамоаларга таклиф этилди. Энди Қаршига борамиз ва футболчиларга уч кун дам олиш имконини берамиз.
Рўзиқул Бердиев, «Насаф» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)