«Пахтакор» жамоаси бош мураббийи Шота Арвеладзе Coca-Cola Суперлига 13-тури доирасида «Андижон»га қарши кечган баҳсдан (2:0) сўнг ўз фикрлари билан ўртоқлашди.
Ҳеч кимга бу ўйиндан аввал бўлган ҳолатни тиламаган бўлардим. Биринчи жамоа ўйнайдими ёки йўқ билмайди, иккинчиси эса кутади, ўйин бўладими ёки йўқ. Бу энг ёмони. Руҳий томонлама, мотивация томонлама жуда оғир. «Андижон» учун ҳам, биз учун ҳам, бутун ўзбек футболи учун жуда муҳим эди. Суперлигада ўйин бекор қилиниши жуда ҳам хунук ҳолат.Эслатиб ўтамиз, 27 август тонгида «Андижон» молиявий қийинчиликлар сабаб «Пахтакор»га қарши ўйинда иштирок этмаслиги ва шу сабаб жамоага техник мағлубият ёзилиши хабар қилинганди. Бироқ тушдан кейин ўйин бўлиб ўтиши ва «Андижон» ПФЛ томонидан огоҳлантириш олгани маълум қилинди.«Андижон» яхши ҳимояланди. Бундан кўпроқ гол уришимиз мумкин эди. Афсуски, бир нечта қарши ҳужумларни ўтказиб юбордик. Балки бу бошқа даражадаги ўйинда қимматга тушиши мумкин.
Худога шукур, ўйинни жароҳатларсиз ўтказдик. Асадбек Собиржоновнинг қўли синмаган деб умид қиламан. «Локомотив» раҳбариятига яхши стадион учун раҳмат айтаман.
Иккинчи бўлимда тўпни ҳам, ўйинни ҳам жуда ёмон назорат қилдик деб ўйлайман.
Эрен Дердийок ўзбек футболига қачон тўлиқ киришиб кетади? Менимча, у тўлиқ мослашиб бўлди.
Шота Арвеладзе, «Пахтакор» бош мураббийи
Ушбу ғалабадан кейин «Пахтакор» очколарини 34 тага етказиб олди ва якка пешқадамликда давом этмоқда. Жамоа кейинги турни 1 сентябрь куни «Навбаҳор»га қарши ўтказади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)