«Андижон» клуби бош мураббийи Виктор Кумиков Coca-Cola Суперлига 13-туридан ўрин олган «Пахтакор»га қарши баҳсдан (0:2) сўнг ўз фикрлари билан ўртоқлашди.
«Пахтакор» барча жабҳада биздан кўра кучли жамоа. Ҳам ижрочилар бўйича, ҳам бошқа томонлама. Бу ўйинда содир бўлиши керак бўлган нарса рўй берди.Эслатиб ўтамиз, 27 август тонгида «Андижон» молиявий қийинчиликлар сабаб «Пахтакор»га қарши ўйинда иштирок этмаслиги ва шу сабаб жамоага техник мағлубият ёзилиши хабар қилинганди. Бироқ тушдан кейин ўйин бўлиб ўтиши ва «Андижон» ПФЛ томонидан огоҳлантириш олгани маълум қилинди.Аммо биринчи голда сунъий ўйиндан ташқари ҳолатни вужудга келтиришда хато қилдик. Иккинчи голда эса ҳакам хато қилди деб ўйлайман. Сабаби футболчи 5 метрдан йўлланган зарба вақтида қўлини олиб қоча олмайди. У ҳатто тўпни кўрмаганди ҳам. Бизда ҳам деярли шундай ҳолат бўлди, аммо ҳакам вазиятни кўрмай қолди. Ҳакамлар «Пахтакор»га ёрдам беришлари шарт эмас, улар шундоқ ҳам кучли.
Ўйин бошланишига 50 дақиқа қолганида тўлиқ таркиб билан йиғилдик. Бу ҳам ўз таъсирини кўрсатди. Ҳозир бироз танаффус бўлади. Балки бу танаффус вазиятни яхши томонга ўнгланишига ёрдам берар. «Андижон» ҳақида олдиндан нимадир дейиш имконсиз. У ерда ҳар соатда ўзгаришлар бўлади. Бугун тушгача ўйнамаслигимиз керак эди, тушдан кейин ўйнайдиган бўлдик. Балки Андижонда инвесторлар топилар ва ҳеч бўлмаса энг зарур нарсалар учун пул берилар.
Виктор Кумиков, «Андижон» бош мураббийи
«Андижон» 13-турдан кейин 6 очко билан 13-ўринда бормоқда. Жамоа кейинги турда «Локомотив» билан ўйнайди.
Мавзуга доир: Шота Арвеладзе: Ҳеч бир клубга ўйиндан олдин «Андижон» билан бўлган ҳолатни тиламаган бўлардим
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)