АОКА залида ташкил этилган брифингда Коронавирусга қарши курашиш штаби аъзоси, тиббиёт фанлари доктори, профессор Ҳабибулло Оқилов шамоллаш ёки ЎРВИ аломатлари бўлмаган беморларда пневмонияни қандай аниқлаш мумкинлигини айтди.
Мутахассиснинг таъкидлашича, COVID-19’нинг симптомлари турлича эканлигини инобатга олган ҳолда умумий ҳолатга қараш тавсия этилади. Кучли ҳолсизлик, кўнгил айниши, онгдаги чалкашлик, ҳаддан ташқари кўп ухлаш, шунингдек, ҳансираш ва тез-тез нафас олиш белгилари алоҳида эътиборга олиниши керак.
Сўнгги икки аломатни кексаларда сезмаслик мумкин, чунки уларнинг нафас олиши юзаки. Ҳарорат, пульс ва қон босимини мунтазам ўлчаш муҳим. Белгиларни фаол тарзда кузатиш лозим. 60 ёшдан юқори, сурункали касалликлари бор одамлар оила аъзолари томонидан янада кўпроқ эътиборга олиниши лозим ва доимий тарзда шифокор билан алоқада бўлиш талаб этилади.Аввалроқ Коронавирусга қарши курашиш штаби аъзоси Барно Абдусаматова коронавирус инфекцияси турли шаклларда ўтиши ва доим ҳам ўпкага зарар етказмаслигини айтганди. Шунингдек, у касаллик кўп ҳолларда умуман симптомларсиз кечиши, яъни тест натижаси мусбат бўлса-да, киши ҳеч қандай аломатларни сезмаслиги ва бундай вирус ташувчиси текширилганда организмда ҳеч қандай ўзгариш аниқланмаслигини билдирган.Шифокорга ўзингизни қандай ҳис қилаётганингиз ҳақидаги маълумотларни шахсан юборишингиз керак. Ишдан ташқари вақтларда аҳволингиз оғирлашса, тез ёрдам чақиришингиз мумкин.
Ҳабибулла Оқилов, Коронавирусга қарши курашиш штаби аъзоси
Изоҳ (0)