27 август куни бўлиб ўтган Халқ депутатлари Бўстонлиқ туман кенгашининг навбатдан ташқари сессиясида Бўстонлиқ туманига Жўрабек Аҳмедов ҳоким этиб тайинлангани ҳақида хабар берилганди. «Янги Ўзбекистон» газетасининг ёзишича, туман ҳокими билан бирга сектор раҳбарлари ҳам ўзгарган.
Туман прокурори вазифасига Ўктам Саидов тайинланган. У Ўктам Саидов 1973 йилда Қашқадарё вилояти Касби туманида туғилган. Шу пайтга қадар Ўктам Саидов Сурхондарё вилояти прокурори, Шеробод тумани прокурори, Бош прокуратура бўлим бошлиғи лавозимларида ишлаган.
Туман давлат солиқ инспекцияси бошлиғи вазифасига Зариф Зокиров тайинланган. У ҳозиргача Давлат солиқ қўмитаси Жисмоний шахсларга хизмат кўрсатиш бошқармаси бошлиғи сифатида ишлаб келаётган эди.
Зариф Зокиров шу вақтга қадар Наманган вилояти давлат солиқ бошқармаси Солиқ маъмуриятчилиги билан ишлаш бўлими бошлиғи ўринбосари лавозимларида ишлаган.
Туман ички ишлар бўлими бошлиғи вазифасига Шерзод Шермуҳамедов тайинланган. У 1977 йилда Тошкент вилояти Қибрай туманида туғилган.
Шу пайтга қадар у Чирчиқ шаҳар ИИБ бошлиғи, Тошкент вилояти Ички ишлар бош бошқармаси бошлиғининг биринчи минтақавий ҳудуд бўйича вакили – марказ бошлиғи лавозимларида ишлаган.
2020 йил август ойи ўрталарида Шавкат Мирзиёев Тошкент вилояти Бўстонлиқ туманининг туризм салоҳияти жуда юқорилигига қарамасдан, узоқ йиллар давомида бундан етарлича фойдаланилмаганини таъкидлаганди. Шу сабабли давлат раҳбари ушбу ҳудудни тўлиқ туристик зона сифатида ривожлантириш ва режадаги лойиҳаларни муваффақиятли амалга ошириш мақсадида бош вазир ўринбосари — Туризмни ривожлантириш давлат қўмитаси раисига (ҳозирда бу лавозимни Азиз Абдуҳакимов эгаллаб турибди) параллел равишда янги тажриба тариқасида Бўстонлиқ туманига раҳбарлик вазифасини юклатиш таклифини берганди.
Изоҳ (0)