Ўзбекистонга 2020 йилнинг 1 август ҳолатига кўра, қиймати 377 минг АҚШ долларига тенг бўлган 52,5 тонна атир маҳсулоти импорт қилинди. Бу кўрсаткич ўтган йилнинг мос даврига нисбатан 15,8 тоннага кам. Бу ҳақда Давлат статистика қўмитаси хабар қилди.
Ўзбекистон 2020 йилда 12 та давлатдан атир импорт қилган. Импорт қилинган атирнинг энг катта улуши 42,1 тонна билан Туркия ҳиссасига тўғри келган. Атир импортида Чехия – 4,2 тонна, Хитой – 2,5 тонна ва Россия – 1,8 тонна билан кейинги ўринларни эгаллаган.
Франциядан Ўзбекистонга 2020 йилнинг 7 ойида 30 минг грамм атир импорт қилинган.
Маълумот ўрнида, 2019 йилда Ўзбекистонда қиймати 971,5 миллион сўмга тенг бўлган 13,6 тонна атир ишлаб чиқарилган.
Аввалроқ Ўзбекистон 18,9 миллион долларлик узум, 1 миллиард долларлик тўқимачилик ва трикотаж маҳсулотлари, 2 минг тоннадан зиёд тарвуз, 2,1 миллиард долларга тенг олтин сотгани хабар қилинган эди.
Изоҳ (0)