Самарқанд халқаро аэропортининг янги йўловчи терминалини қуриш Uzbekistan Airports давлат-хусусий шериклик шартлари асосида Air Marakanda масъулияти чекланган жамияти кўринишидаги хорижий компанияга топширилган. Бу ҳақда «Дарё» мухбири Фарҳод Норбўтаев хабар берди.
Лойиҳа қиймати 40 миллион доллар бўлган янги йўловчи терминал 2021 йилнинг учинчи чорагида фойдаланишга топширилади.
Таъкидланишича, Самарқанд халқаро аэропорти бугунги кунда 62 миллион долларлик лойиҳани ҳам амалга ошираётган бўлиб, лойиҳа Uzbekistan Airports акциядорлик жамияти томонидан молиялаштирилган. Қурилиш ишлари 2020 йилнинг октябрь ойида якунига етади.Шунингдек, аэропортни реконструкция қилиш лойиҳаси доирасида аэродромнинг сунъий қопламалари қурилади, янги учиш-қўниш йўлаги ва 4 та йўналтирувчи йўллар барпо этилади.
Аэропортнинг самолётларни қабул қилиш қуввати 8 тадан 24 тага етказилади, магистрал йўналтирувчи йўлак реконструкция қилинади ҳамда янги светосигнал ва радиотехник қурилмалар ўрнатилади.
Изоҳ (0)