Лондоннинг «Челси» клуби 21 ёшли франциялик ҳимоячи Маланг Саррни ўз сафига қўшиб олди. Бу ҳақда лондонликлар матбуот хизмати маълум қилди.
Футболчи билан беш йиллик шартнома имзоланган. Клуб баёнотида маълум қилинишича, Сарр 2020/21 йилги мавсумни ижарада ўтказади.
Маланг Сарр «Ницца» клуби тарбияланувчиси бўлиб, 2016 йилда асосий жамоада дебют қилган. 2020 йилнинг ёзида футболчининг клуб билан шартномаси якунланди ва у эркин агентга айланди.
Аввалроқ «Челси» «Лестер» қанот ҳимоячиси Бен Чиллуэлни ўз сафига қўшиб олганди. Шунингдек, ПСЖ собиқ ҳимоячиси Тиаго Сильва ҳам яқин орада лондонликлар футболчисига айланиши кутилмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)