Сурияда Россия бронетранспортёри АҚШ патруль машинасини бориб урди. Америкалик тўрт ҳарбий жароҳат олди

Сурия шимоли-шарқида Россияга тегишли зирҳли машина Американинг бир гуруҳ зирҳли машиналари билан тўқнашиб кетиши оқибатида АҚШ ҳарбийлари жароҳат олди, деб хабар беради Reuters.

Таъкидланишича, тўқнашув 25 август куни эрталаб Дерик аҳоли пунктида содир бўлган.

«Гарчи Америка ва Россия қўшинларининг ҳамкорликдаги ҳаракати тез-тез учраб турмаса-да, мазкур кўнгилсиз ҳодиса Сурия шимолидаги ҳар икки мамлакат қўшинларининг хатти-ҳаракатлари билан боғлиқ хавфларни ва танг ҳолатдаги тезкор эскалация қилиш имкониятини кўрсатиб берди», — дейилади хабарда.

Associated Press маълумотларига кўра, тўрт нафар америкалик жароҳат олган кўнгилсиз ҳодиса россиялик ҳарбийлар сабаб юзага келган. АҚШ ҳарбий хизматчиларига бош мия енгил чайқалишига ўхшаш аломатлар ташхиси қўйилган.

Бундан ташқари, интернетда фойдаланувчиларнинг сўзларига кўра, тўқнашув видеоси пайдо бўлган.

«ТАСС»нинг ёзишича, содир бўлган ҳодиса юзасидан Вашингтон Москвани деконфликтинг протоколларини бузишда айблаган.

Video of another skirmish between Russian and US forces in NE Syria from Aug 24. It appears there are two US vehicles and Russian BTR-80, 2 Typhoon-K MRAPs, Ural-4320, and 2 Tigr vehicles with Russian Mi-8AMTSh and Mi-35M helicopters overhead. 313/https://t.co/RjzbJTG2sj pic.twitter.com/G6midolbeD

— Rob Lee (@RALee85) August 26, 2020

So the Fighter Bomber Instagram channel that posted this video claims the Russian Mi-8AMTSh helicopter in this video was hovering over American forces, presumably to try to disperse them or force them to move. 318/https://t.co/0iBHe4GlnT pic.twitter.com/LDebd2HlLP

— Rob Lee (@RALee85) August 26, 2020

«Бу каби ҳаракатлар Қўшма Штатлар ва Россия ўртасида 2019 йилнинг декабрида тасдиқланган деконфликтинг протоколларини бузиш ҳисобланади», — дейди Оқ уй қошидаги Миллий хавфсизлик кенгаши матбуот хизмати раҳбари Жон Эллиот.

Ўз навбатида Россия президентининг матбуот котиби Дмитрий Песков ҳам вазиятга изоҳ берган.

«Бош штаб бошлиқлари — Марк Милли ва Валерий Герасимов линияси бўйича телефон суҳбати бўлиб ўтди», — дейди қисқа қилиб Песков.