Янги Зеландия суди 2019 йилнинг мартида Крайстчерч шаҳридаги масжидларда отишма уюштириб, 51 кишининг умрига зомин бўлган ва яна 40 кишини жароҳатлаган Брeнтон Таррантни умрбод қамоқ жазосига ҳукм этди, деб хабар беради New Zealend Herald.
Нашр маълумотларига кўра, суд қарори кейинчалик муддатидан олдин озод этишни назарда тутмайди. Бу мамлакат тарихида шу турдаги қаттиқ жазонинг биринчи бор қўлланилиши ҳисобланади.
Ҳукм эълон қилинишидан олдин сўз олган Таррант ўзини ирқчи ёки ксенофоб деб ҳисоблашдан бош тортган. Таррантнинг таъкидлашича, у ўзини жамиятда қувғин сифатида ҳис қилган ва унга зиён етказишга уринган. Шу билан бирга, судланувчи ўзининг ҳужуми теракт эканлигига қўшилган.
Янги Зеландияда жойлашган икки масжиддаги отишма 2019 йилнинг 15 март куни содир бўлганди. Таррант «Ал-Нур» ҳамда «Линвуд» масжидига ҳужум уюштириб, уни Facebook орқали трансляция қилган.
Аввалроқ 29 ёшли австралиялик иккита масжидда жиноят содир этганига иқрор бўлгани, адвокат хизматидан воз кечгани ҳақида хабар берилганди.
Изоҳ (0)