Республика махсус комиссияси Ўзбекистон фуқароларини Россиянинг Самара вилоятидан олиб келиш учун Тошкент—Кинель—Тошкент темир йўл рейсини ташкил этиш тўғрисида қарор қабул қилинган. Россия ва Қозоғистон томони билан келишувга биноан, 2020 йилнинг 25 август куни «Ўзбекистон темир йўллари» АЖ поезди 918 нафар ўзбекистонлик билан «Кинель» станциясидан Ўзбекистонга йўл олгани ҳақида хабар берилганди.
Транспорт вазирлигининг хабар қилишича, мазкур поезд Тошкент шаҳрига етиб келган. Ушбу рейс орқали олиб келинган барча фуқаролар автобусларда Тошкент вилоятидаги карантин зоналарига етказилган.
Аввал Россиянинг Шимолий Кавказ ва Жанубий федерал округларидан 927 нафар ўзбекистонлик поезд орқали Наманганга олиб келинган ва ушбу рейс орқали олиб келинган барча фуқаролар вилоят транспорт бошқармаси томонидан ташкил этилган автобусларда карантин зоналарига етказилганди.
Республика махсус комиссияси қарорига асосан аввал ҳам Россиянинг Шимолий Кавказ ва Жанубий федерал округларидаги ўзбекистонликларни олиб келиш учун Тошкент—Ростов-Дон—Тошкент йўналиши бўйича темир йўл рейси ташкил қилинган. 10 август куни Гниловская—Тошкент йўналишида ҳаракатланишни бошлаган поезд 13 август куни 918 нафар фуқарони Ўзбекистонга олиб келган.
9 августда Россиядан поездда олиб келинган 918 нафар ўзбекистонлик Намангандаги карантин зонасига жойлаштирилган. Шунингдек, шу куни бошқа бир поезд Самарадан Самарқандга ўзбекистонликларни олиб келган.
Изоҳ (0)