Коронавирусга қарши кураш штаби аъзоси Ҳабибулло Оқилов АОКА залида ташкил этилган брифингда ўқувчиларни мактабга юбориш қанчалик хавфли эканлиги борасидаги саволга жавоб берган.
Жумладан, аҳолининг «Агар 14 сентябрда ўқиш бошланса, оиламизда кекса одамлар бор. Болаларни мактабга юбориш хавфли эмасми? Ахир улар уйга вирус олиб келиши мумкин», деган саволига Оқилов қуйидагича жавоб берган:
«Агар сиз мактабга бориш хавф туғдиради деб ҳисобласангиз, ариза ёзиб, онлайн ўқитишдан фойдаланишингиз мумкин. Бу қарорни ўқув йили давомида ўзгартириш мумкин. Нима бўлган тақдирда ҳам сиз болага ниқобни тўғри тақиш, қўлларни ювиш, антисептиклардан фойдаланиш ва ижтимоий масофа сақлашни ўргатишингиз керак».
Мавзуга доир: ЮНИСЕФ Ўзбекистондаги мактабларнинг 13 фоизида 2019 йилда қўлни ювиш учун шароит бўлмаганини маълум қилди
Изоҳ (0)