Коронавирус пандемияси сабаб Самарқанд шаҳрига ташриф буюрувчи туристлар сони ҳамда улар саёҳатидан олинадиган туристик хизматлар экспорти кескин камайди, дея хабар берди «Дарё» мухбири.
Самарқанд шаҳар ҳокимлиги ахборот хизматининг маълум қилишича, 2019 йилнинг январь—август ойларида шаҳарга 281 минг 200 нафар хорижлик сайёҳ ташриф буюрган бўлса, 2020 йилнинг айни давридаги бу кўрсаткич 49 минг 500 нафарни ташкил қилган. Маҳаллий сайёҳлар сони 1 миллион 281 минг нафарни ташкил этган бўлса, бу йил уларнинг сони 433 минг 455 нафарга етган.
Шаҳардаги 250 та жойлаштириш воситасида 2020 йилнинг 8 ойи учун 120 минг нафар хорижий фуқарога жойлар банд қилинган. Бироқ ташрифлар бекор қилиниши оқибатида жойлаштириш воситалари 95 миллиард 300 миллион сўмлик тушумлардан маҳрум бўлган.
331 та туризм йўналишидаги корхоналар фаолияти тўхтатилиб, 4530 нафар фуқаро вақтинча ишсиз қолган.
Изоҳ (0)