Тошкент шаҳрининг Сергели туманида тадбиркорнинг 5000 доллар пулини фирибгарлик йўли билан ўзлаштирган шахсга жиноят иши қўзғатилди. Бу ҳақда Дарё»га Бош прокуратура матбуот хизмати хабар берди.
Маълум бўлишича, фуқаро М.О. «Ф-Т.» МЧЖ таъсисчиси Х.З.нинг ишончига кириб, биргаликда тадбиркорлик фаолияти билан шуғулланишга ишонтирган. Уни Россияга помидор маҳсулотларини экспорт қилиш ҳамда ун маҳсулотларини олиб сотиш орқали катта миқдорда фойда олишга қизиқтирган ва 5000 долларини қўлга киритиб, ўз эҳтиёжларига ишлатиб юборган.
Мазкур ҳолат юзасидан М.О.га нисбатан Жиноят кодексининг 168-моддаси 3-қисми «б» банди (такроран фирибгарлик содир этиш) билан жиноят иши қўзғатилиб, тергов ҳаракатлари ўтказилмоқда.
Аввалроқ Андижон вилоятида биргаликда бизнес юритиш мақсадида уч кишидан жами 35 200 доллар пул олиб, ўз эҳтиёжларига сарфлаб юборган шахс қўлга олингани, Тошкентда икки фуқаронинг 214 миллион сўм пулини «еб юборган» шахс ушлангани ҳақида хабар берилганди.
Изоҳ (0)