Андижон ва Хоразм вилоятида 4 000 АҚШ доллари эвазига ўқишга киритиб қўйишни ваъда қилган фирибгарлар қўлга олинди. Бу ҳақда Бош прокуратура «Дарё»га хабар қилди.
Маълум қилинишича, Бош прокуратура ҳузуридаги департамент ҳамда ДХХнинг Андижон вилоят бошқармалари томонидан ҳамкорликда тезкор тадбир ўтказилган. Текширув давомида Андижон давлат университети ўқитувчиси А.Х. олий таълим муассасаларига қабул жараёнлари бошланганидан фойдаланиб, фирибгарлик йўли билан даромад орттириб қолиш мақсадида фуқаро О.А.нинг ишончига кириб, уни ушбу университетнинг Факультетлараро жисмоний маданият ва спорт йўналишига юқори лавозимда ишловчи танишлари орқали ўқишга киритиб қўйиши эвазига 4000 АҚШ долларини олган вақтида ашёвий далил билан ушланган.
Яна бир ҳолат департаментнинг Урганч шаҳар бўлими томонидан ўтказилган тезкор тадбирда фуқаро Ш.К. фирибгарлик йўли билан даромад орттириш мақсадида фуқаролар Д.С. ва З.А.нинг ишончига кириб, уларни Урганч давлат университетининг Жисмоний тарбия ва тасвирий санъат йўналишига ўқишга киритиб қўйиши эвазига мазкур университетнинг 3-босқич талабаси М.А. орқали 4000 АҚШ долларини олган вақтида ашёвий далил билан ушланган.
Мазкур ҳолатлар юзасидан жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.
Мавзуга доир:
Изоҳ (0)