Apple компанияси iPhone 12 флагман сериясини тақдим этишга тайёргарлик кўраётган бир вақтда интернетда янги модель ҳақида батафсил маълумотлар тарқалмоқда, деб хабар беради IXBT.
Бу сафар фойдаланувчилар эътиборини 2020 йил кузининг асосий рақиблари — ҳозирда тақдим этилган Samsung Galaxy Note20 Ultra ҳамда октябрда тақдимоти ўтказиладиган iPhone 12 Pro Max’нинг ўлчамларини таққослаш имкон берадиган сурат тортди.
Сурат хитойлик блогер томонидан тармоққа жойлаштирилган бўлиб, унда кўк рангли iPhone 12 Pro Max’нинг орқа панели тасвирланган. Бошқа версияларга кўра, бу корпус панели эмас, балки ҳимоя ғилофи. Янги суратда айнан ушбу модель ва Samsung Galaxy Note20 Ultra ёнма-ён қўйиб таққосланган.
Суратдан кўриш мумкинки, iPhone 12 Pro Max Galaxy Note20 Ultra’дан сезиларли даражада калта, бироқ энли. Қалинлигини эса кўришнинг имкони йўқ. Samsung Galaxy Note20 Ultra ўлчамлари 164,8 х 77,2 х 8,1 миллиметрни, оғирлиги эса 208 граммни ташкил этади.
Дастлабки маълумотларга кўра, iPhone 12 Pro Max’га 6,7 дюймли OLED дисплей, 5 нанометрли SоC А14 Bionic, 6 гигабайт тезкор, 128/256/512 гигабайт ички хотира ўрнатилади. iPhone 12 ўзидан олдинги моделлардан нафақат ўлчамининг кичиклиги, балки материаллари билан ҳам фарқ қилади — унга пўлат ўрнига алюминий ишлатилади. Шунингдек, смартфонларнинг Prо версиясида қўшимча реаллик, объект 3D камерали (лидар) пайдо бўлади.
Аввалроқ янги iPhone 12 тақдимоти санаси маълум бўлгани тўғрисида хабар қилинганди.
Изоҳ (0)