Роберт Левандовски тарихий натижа қайд этди

Мюнхеннинг «Бавария» клуби ҳужумчиси Роберт Левандовски 2019/20 йилги мавсумда ажойиб натижа қайд этди.

Гап шундаки, «Бавария» 2019/20 йилги мавсумда учта мусобақа – Германия Бундеслигаси, мамлакат Кубоги ва Чемпионлар Лигасида ғалаба қозонди. Левандовски эса треблга эришган ва ҳар учала мусобақанинг ҳам энг яхши тўпурари бўлган илк футболчига айланди.

32 ёшли Левандовски Бундеслигада 34 та, Чемпионлар Лигасида 15 та, Германия Кубогида эса 6 та голга муаллифлик қилди.

Маълумот учун, Левандовски 2014 йилдан бери «Бавария» шарафини ҳимоя қилиб келади. Шу йиллар мобайнида у жами 289 та ўйин ўтказиб, 246 бор рақиблар дарвозасини ишғол этган. Унинг клуб билан шартномаси 2023 йилгача амал қилади.