«Бавария» ҳужумчиси Роберт Левандовски Европа кучли бешлик чемпионатларининг 2019/20 йилги мавсумидаги энг яхши тўпурари бўлди.
Польшалик ҳужумчи ортда қолган мавсумда барча мусобақаларда 55 та гол урди. Бу иккинчи ўриндаги «Лацио» ҳужумчиси Чиро Иммобиледан (39) 16 тага кўпроқдир.
Кучли учликка 37 та гол билан Криштиану Роналду («Ювентус») якун ясаб берган бўлса, Ромелу Лукаку («Интер», 34) ва Тимо Вернер («Лейпциг», 34) кейинги ўринлардан жой олган.
Маълумот учун, Левандовски 2014 йилдан бери «Бавария» шарафини ҳимоя қилиб келади. Шу йиллар мобайнида у жами 289 та ўйин ўтказиб, 246 бор рақиблар дарвозасини ишғол этган. Унинг клуб билан шартномаси 2023 йилгача амал қилади.
Изоҳ (0)