“Bavariya” hujumchisi Robert Levandovski Yevropa kuchli beshlik chempionatlarining 2019/20-yilgi mavsumidagi eng yaxshi to‘purari bo‘ldi.
Polshalik hujumchi ortda qolgan mavsumda barcha musobaqalarda 55 ta gol urdi. Bu ikkinchi o‘rindagi “Latsio” hujumchisi Chiro Immobiledan (39) 16 taga ko‘proqdir.
Kuchli uchlikka 37 ta gol bilan Krishtianu Ronaldu (“Yuventus”) yakun yasab bergan bo‘lsa, Romelu Lukaku (“Inter”, 34) va Timo Verner (“Leypsig”, 34) keyingi o‘rinlardan joy olgan.
Ma’lumot uchun, Levandovski 2014-yildan beri “Bavariya” sharafini himoya qilib keladi. Shu yillar mobaynida u jami 289 ta o‘yin o‘tkazib, 246 bor raqiblar darvozasini ishg‘ol etgan. Uning klub bilan shartnomasi 2023-yilgacha amal qiladi.
Izoh (0)