Ўзбекистонда масжидлар сони 2072 тага етди, деб хабар бермоқда Дин ишлари бўйича қўмита матбуот хизмати.
Хабарга кўра, 20 август куни Сурхондарё вилоят Адлия бошқармаси томонидан «Варроқ Термизий» масжиди рўйхатдан ўтказилди.Унинг рўйхатдан ўтказилгани тўғрисидаги гувоҳнома диний ташкилотга топширилган.
Эндиликда Сурхондарё вилоятидаги масжидлар сони 115 тага етди.
Эслатиб ўтамиз, Республика махсус комиссияси қарори билан 2020 йил 10 июлдан эътиборан 1 августга қадар диний ташкилотлар, жумладан, масжидлар фаолияти тўхтатилган эди. Кейинроқ карантин чекловлари 15 августга қадар узайтирилган, масжидлар эса 15 августдан сўнг босқичма-босқич очилиши кутилаётгани ҳақида хабар берилганди. Таъкидлаш керакки, Ўзбекистонда 17 августдан бошлаб масжидлар ҳар куни ишлайди, фақат жума намози адо этилмайди.
Аввалроқ Самарқандда 7,5 минг намозхонга мўлжалланган вилоятдаги энг катта масжид қуриб битказилгани хабар берилган эди.
Изоҳ (0)