Ширинлик истеъмолининг меъёридан ортиғи нафақат ташқи кўриниш, балки саломатликда ҳам ўз аксини кўрсатади. Қуйида ширинликка қарамликдан қандай қутулиш мумкинлигига тўхталиб ўтамиз.
Шакардан буткул воз кечинг
Тозаланган шакар, сунъий ширинлик, фруктоза миқдори кўп бўлган сироплардан воз кечинг. Шакар ва ширинликлар истеъмол қилмасликка нафақат уйда, балки иш жойингиз ва бошқа ерларда ҳам амал қилинг. Қандолат дўконлари, овқатланиш шохобчаларида десертлардан узоқроқ юринг.
Оқсилга бой нонушта қилинг
Нонушта маҳсулотингиз оқсилга бой эканига эътибор қаратинг. Негаки айнан оқсил қондаги қанд балансини назорат қилади ва ширинлик ейиш хоҳишини камайтиради. Масалан, тухум, авокадо ва сабзавотлардан омлет, сули ёрмасидан бўтқа ёки мева-резаворлардан тайёрланган йогурт энг яхши вариант.
Кофеин истеъмолини камайтиринг
Муваффақият формуласи: соат тонгги 10 га қадар бир финжон қаҳва ичиш билан кифояланиш саналади. Калифорния университети олимларининг аниқлашича, бир кунда бир қанча финжон қаҳва ичиш қондаги қанд миқдорининг кўтарилиши ва бунинг натижасида шакар истеъмоли ҳақида доимий ўйлашга олиб келади. Куннинг биринчи қисмида бир финжон қаҳва истеъмол қилиш вазиятни барқарорлаштиради.
Лимон аралашмали сув ичинг
Уй, ресторан ёки иш жойида ширинлик егингиз келиб қолса, лимонли сув ичишга одатланинг. Агар икки литр сувга икки ош қошиқ олма сиркаси қўшиб ичилса, яна ҳам яхши. Ушбу ичимликлар ҳазм жараёнида аҳамиятли бўлган ошқозон суюқлигини яхшилайди.
Соат 16:00 да тамадди қилиб олинг
Тушликдан кейин ширинликлар истеъмолига хоҳиш пайдо бўлиши мумкин. Протеинга бой егулик, шакарга бўлган қарамликни тийишга сабаб бўлади. Ёнғоқ, йогурт ва қайнатилган тухумни тамадди вақтида истеъмол қилиш тавсия қилинади.
Ушбу тавсияларга амал қилиш орқали ширинликка бўлган қарамликни 5-7 кунда енгиш мумкин. Бу дегани сиз шакардан буткул воз кечишингиз кераклигини билдирмайди, ушбу тавсияларга амал қилиб ушбу тажрибани тугатганингиздан кейин онда-сонда ўзингизни ширинлик билан сийласангиз бўлади.
Изоҳ (0)