Оксфорд олимлари асал маҳсулоти йўтал ва томоқ оғриғини даволашда дори воситаларига қараганда самарали восита, деб хулоса қилди. Бу ҳақда The Guardian нашри хабар берди.
«Асал арзон, тайёр маҳсулот ва ҳеч қандай ножўя таъсирга эга эмас. Шифокорлар уни фойдасиз ҳисобланган антибиотикларга муносиб альтернатив сифатида тавсия этиши мумкин», – дейди тадқиқотчилар.
Маълумотларга кўра, олимлар тиббий маълумотлар омборини таҳлил қилиб, 14 та клиник тажрибалар ичидан 1761 нафар оғир аҳволдаги иштирокчиларни топган.
«Асалдан касаллик аломатларини, айниқса, йўтал қаттиқлиги ва кучини енгиллаштириш учун фойдаланилган. Бир неча тадқиқотлар шуни кўрсатдики, касаллик белгилари доимгидан бир-икки кун эртароқ йўқолган», – дейилади хабарда.
Шу билан бирга олимларнинг қайд этишича, икки таҳлил қилинган тадқиқотда эҳтимолий плацебо таъсири ҳам инобатга олинган.
Изоҳ (0)