Тошкент шаҳар Чилонзор туманида бир фуқарони заводга қоровуллик ўрнига ишга жойлаштириш учун 100 доллар олган шахс фирибгар бўлиб чиқди. Бу ҳақда Тошкент шаҳар ИИББ хабар берди.
Маълум қилинишича, 2020 йилнинг май ойида 37 ёшли муқаддам судланган У.Т. 32 ёшли Д.Т.га заводлардан бирига қоровул сифатида ишга киритишни ваъда қилган.
У.Т. ўз «хизматлари» учун 100 доллар олиб, ваъдасида турмасдан, пулларни ўз эҳтиёжига сарфлаб юборган.
Мазкур ҳолат бўйича Жиноят кодексининг 168-моддаси 3-қисми (фирибгарлик) билан жиноий иш қўзғатилди.
Аввалроқ Тошкентда танишига 3 миллиард сўм кредит олиб беришни ваъда қилиб, уни 21 миллион сўмга чув туширган фуқарога жиноят иши қўзғатилгани ҳақида хабар берилганди.
Изоҳ (0)