Фарғона вилояти Қўқон шаҳрида йўл қоидасини бузганлиги учун маъмурий баённома тузган ЙПХ ходимига қаршилик кўрсатган ҳайдовчига нисбатан жиноят иши қўзғатилди. Бу ҳақда ИИВ ЙҲХББ ахборот хизмати хабар берди.
Маълумотларга кўра, Қўқон шаҳри Истиқлол кўчасида хизмат вазифасини олиб бораётган ЙПХ ходими 5.5 йўл белгисига амал қилмасдан, қарама-қарши ҳаракатланиб тўхтаган автомобиль ҳайдовчисига маъмурий баённома расмийлаштирмоқчи бўлган. Баённомани тузиш вақтида ҳайдовчи йўл-патруль хизмати ходимига фаол қаршилик кўрсатган, ўзининг ҳужжатлари ва маъмурий баённомани инспекторнинг қўлидан тортиб олган.
Қоидабузар ҳайдовчи ёрдам кучи чақириш мақсадида хизмат автомобилига ўтган ЙПХ ходимига ташланиб қолиб, унга нисбатан куч ишлатган.
Мазкур ҳолат юзасидан Қўқон шаҳар прокуратураси томонидан жиноят иши қўзғатилиб, суд томонидан ҳайдовчига нисбатан қамоққа олиш эҳтиёт чораси қўлланилган.
Ҳозирда ҳолат юзасидан дастлабки тергов ҳаракатлари ўтказилмоқда.
Мавзуга доир:
- Тошкент шаҳар ЙҲХББ носоз Nexia ҳайдовчиси воқеани бошқача талқин қилишга уринганини маълум қилди (видео)
- Ҳайдовчи машинасини жарима майдончасига олиб кетмасликлари учун унинг устига чиқиб олгани тасвирланган видео тарқалди. Ҳолатга ЙҲХББ расмий муносабат билдирди
- Термизда ППХ ходимининг талабига бўйсунмай қочишга уринган такси ҳайдовчиси тез ёрдам машинаси билан тўқнашди
Изоҳ (0)